ଶିକ୍ଷା ଓ ନିଯୁକ୍ତି କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଅପରାଜିତା ମହାନ୍ତିଙ୍କୁ ଓଡିଶା ଗୌରବ ସମ୍ମାନ
ଭୁବନେଶ୍ୱର: ଓଡ଼ିଶାର ଜଣେ ଜଣାଶୁଣା ଶିକ୍ଷାବିତ୍ ତଥା କ୍ୟାରିୟର ପରାମର୍ଶଦାତା ଅପରାଜିତା ମହାନ୍ତିଙ୍କୁ ତାଙ୍କର ଶିକ୍ଷା, ପ୍ରଶିକ୍ଷଣ (Training) ଏବଂ ନିଯୁକ୍ତି (Placement) କ୍ଷେତ୍ରରେ ଥିବା ଅତୁଳନୀୟ ଅବଦାନ ପାଇଁ ମାନବ ଅଧିକାର ସୁରକ୍ଷା ପରିଷଦ, ଭାରତ ପକ୍ଷରୁ ଓଡିଶା ଗୌରବ ସମ୍ମାନ କରାଯାଇଛି। ବିଗତ ଅନେକ ବର୍ଷ ଧରି ଅପରାଜିତା ମହାନ୍ତି ଶିକ୍ଷାର୍ଥୀମାନଙ୍କୁ ସେମାନଙ୍କର ବୃତ୍ତିଗତ ଜୀବନ ଗଢ଼ିବାରେ ସାହାଯ୍ୟ କରିବା ସହ ବିଭିନ୍ନ ପ୍ରଶିକ୍ଷଣ କାର୍ଯ୍ୟକ୍ରମ ମାଧ୍ୟମରେ ହଜାର ହଜାର ଯୁବକଯୁବତୀଙ୍କୁ ନିଯୁକ୍ତି ପାଇବାରେ ସହଯୋଗ କରିଛନ୍ତି। ତାଙ୍କର ଏହି ନିରନ୍ତର ପ୍ରଚେଷ୍ଟା ଏବଂ ସମାଜ ପ୍ରତି ଥିବା ସମର୍ପଣ ଭାବକୁ ସମ୍ମାନ ଜଣାଇ ଏହି ସମ୍ମାନଜନକ ସମ୍ମାନ ପ୍ରଦାନ କରାଯାଇଛି। ଏହି ଅବସରରେ ଅପରାଜିତା କହିଛନ୍ତି ଯେ, “ଏହି ସମ୍ମାନ ମୋ ପାଇଁ କେବଳ ଏକ ଉପାଧି ନୁହେଁ, ବରଂ ଏହା ମୋର ଦାୟିତ୍ୱକୁ ଆହୁରି ବଢ଼ାଇ ଦେଇଛି। ଆଗାମୀ ଦିନରେ ଓଡ଼ିଶାର ଯୁବପିଢ଼ିଙ୍କୁ ଉପଯୁକ୍ତ ପ୍ରଶିକ୍ଷଣ ଦେଇ ସେମାନଙ୍କୁ ଆତ୍ମନିର୍ଭରଶୀଳ କରିବା ମୋର ମୁଖ୍ୟ ଲକ୍ଷ୍ୟ ରହିବ।”
Leave a Reply